ကလေးတွေ ဦးနှောက်နှင့် ခန္ဓာကိုယ် ကြီးထွားဖွံဖြိုးအောင် ဘာတွေစားသင့်သလဲ????

၂၁ ရာစုမှာ မိဘတော်တော် များများ ကလည်း မိမိရဲ့ ကလေးငယ်တွေ ဉာဏ်ကောင်းဖို့ အတွက်ကော ကိုယ်ခန္ဓာ ကြီးထွားဖွင့်ဖြိုးအောင် အဖက်ဖက် က လုံးပန်းလာကြပါတယ်။ အစားအသောက်နဲ့ တစ်မျိုး အားဆေးနဲ့ တဖုံ နညိးမျိုးမျိုးနဲ့ ကို ဆောင်ရွက်လာပါတယ်။

အရေးကြီးတာကတော့ ကလေးငယ်တွေ ကို အာဟာရပြည့်အောင် ကျွေးမယ်ဆိုရင် ဉာဏ်ကောင်းရုံသာ မက ခန္ဓာကိုယ် ကို လည်း ကျန်းကျန်းမာမာ နှင့် ကြီးထွားဖွံဖြိုးစေမှာ ဖြစ်ပါတယ်။ ဒါပေမယ့် ကျွေးတဲ့နေရာ မှာ စနစ်တကျ နဲ့လတကယ် အာဟာရ ဖြစ်မယ့် ဟာကိုရွေးကျွေးသင့်ပါတယ်။ 

1. ပရိုတင်း (ခေါ်) အသားဓါတ်ပါ။ ကျျွန်တော်တို့ မြန်မာလူမျိုး အများစု ဟာ အသားစားတာ အရမ်းနည်းပါတယ်။ တကယ်တော့ အသားဓါတ် ပြည့်ပြည့်ဝဝ စားမှ သာ ခန္ဓာကိုယ် ကြီးထွားဖွံ့ဖြိုးစေပြီး ဦးနှောက်ဖွံ့ဖြိုးမှု့ကို အားပေးကာ မှတ်ဉာဏ်စွမ်းအားကို တက်စေပါတယ်။ အသားဓါတ် ကို အသား၊ငါး၊ ဥအမျိုးမျိုး၊ နို့နှင့် နို့ထွက် ပစ္စည်း နှင့် ပဲအမျိုးမျိုး တို့မှာပါဝင်ပါတယ်။

2. Choline (ကိုလင်းဓါတ်) - မှတ်ဉာဏ်စွမ်းအားကို ကောင်းမွန်စေပါတယ်။ ကိုလင်း ဓါတ်ကိုတော့ ကြက်ဥ အနှစ် မှာ အဓိက တွေ့ရပါတယ်။ အသား၊ ငါး၊ ပင်လယ်စာ၊ အစေ့အဆန်၊ ပဲအမျိုးမျိုး၊ နို့ထွက်ပစ္စည်း အမျိုးမျိုး နှင့် ပာင်းနုနွယ် တို့မှာလည်း တွေ့ရပါတယ်။ 

3. Zinc (ဇင့်ဓါတ်) - ခန္ဓာကိုယ် ဇီဝကမ္မ ဖြစ်စဉ်တော်တော်များများ မှာ zinc က အရေးပါတဲ့ အခန်း ကဏ္ဍ ကနေပါနေပါတယ်။ ခန္ဓာကိုယ်ကြီးထွားဖွံ့ဖြိုးမှု့အတွက်ကော ဦးနှောက်ဖွံဖြိုးမှု့ အတွက်ပါ လိုအပ်တဲ့ ဇင့်ဓါတ် ကိုလည်း ပြည့်ဝအောင် စားပေးဖို့လိုပါတယ်။ ဇင့်ဓါတ် ကတော့ ဆန်၊ ဂျုံ၊ ပြောင်း၊ အသား၊ ငါး စတာတွေ မှာပါဝင်ပါတယ်။

4. Iron (သံဓါတ်) - မြန်မာနိုင်ငံ ကလေးငယ်တော်တော်များများ မှာ သံဓါတ်ချို့တဲ့နေတာတွေ့ရပါတယ်။ ဒါကြောင့်လဲ လူကောင်သေးနေတာပါ။ ဒီ့ အပြင် သံဓါတ်ချို့တဲ့ပြီးသွေးအားနည်းကာ ဦးနှောက်ကို သွေးထောက်ပံ့မှု့ နည်းပြီး ဦးနှောက်ဖွံဖြိုးမှု့ကို နှောင့်နှေးစေကာ မှတ်ဉာဏ်စွမ်းအားကိုပါ လျော့ကျစေနိုင်ပါတယ်။ သံဓါတ် ကတော့ အနီရောင်အသား၊ ကြက်အသည်း၊ ဝက်အသည်း၊ အမဲအသည်း၊ ကန်စွန်းရွက်၊ ဟင်းနုနွယ်၊ ပဲအမျိုးမျိုး၊ သံဓါတ် ထပ်ထည့်ထားတဲ့ အစားအစာများ (Fortified Food) တွေ စားပေးဖို့လိုပါတယ်။ တစ်ခု သတိထားရမှာ ကတော့ သံဓါတ် ကြွယ်ဝတဲ့ အစားအစာတွေ ကို စားတဲ့ နေရာမှာ ဗီတာမင် စီ ကြွယ်ဝတဲ့ အစားအစားတွေ ဖြစ်တဲ့ သံပုရာသီး၊ လိမ္မော်သီး၊ ခရမ်းချဉ်သီး၊ ငရုတ်ပွ အနီ စတာတွေ နဲ့ တွဲစားပေးရင် သံဓါတ် ကို ခန္ဓာကိုယ် က ပိုစုပ်ယူနိုင်တဲ့ အတွက်ကြောင့် အာနိသင် ပိုကောင်းစေပါတယ်။ သံဓါတ် ကြွယ်ဝတဲ့ အစားအစာ တွေ စားပြီးရင် ရေနွေးကြမ်း၊ လက်ဖက်သုတ်၊ လက်ဖက်ရည် မသောက်သင့်ပါ။ သံဓါတ် စုပ်ယူမှု့ ကို ပိတ်ပင်တဲ့ အတွက်ကြောင့်ပါ။

5. Omega 3 fatty acid (အိုမီဂါ သရီး) - ကလေးငယ်တွေ ဦးနှောက်ဖွံ့ဖြိုးမှု့အတွက် လိုအပ်ပါတယ်။ မှတ်ဉာဏ်စွမ်းအားကိုပါ ပိုမိုကောင်းမွန်စေပါတယ်။ အိုမီဂါ သရီး ကြွယ်ဝသည့် အစားအစာများ တွေကတော့ ဆော်လမွန်ငါး၊ တူနာငါး၊ ဆာဒင်းငါး၊ နှမ်းကြပ်စေ့၊ အစေ့အဆန်များ၊ ပဲပုပ်စေ့ စတာတွေ ဖြစ်ပါတယ်။ အိုမီဂါသရီး ကြွယ်ဝသည့် အစားအစာ များကို တပါတ် နှစ်ကြိမ် လောက် အနည်းဆုံးစားပေးသင့်ပါတယ်။ 

6. Calcium (ထုံးဓါတ်) - ကယ်စီယမ် ဓါတ် က ကလေး တွေ အတွက် ကြွက်သား ကြီးထွားဖွံ့ဖြိုးစေပြီး အရိုးအဆစ်တွေပါ သန်မာစေတဲ့ အတွက် အရေးကြီးတဲ့ အာဟာရဓါတ် တမျိုး ဖြစ်ပါတယ်။ ကယ်ဆီယမ်ကြွယ်ဝ တဲ့ အသားအသာ တွေ ကတော့ နို့ နှင့် နို့ထွက် ပစ္စည်းများ၊ အရိုးပါ စားလို့ရတဲ့ ငါးသေးသေးလေး များ၊ အစိမ်းရင့်ရောင် ဟင်းသီးဟင်းရွက်များ စတာတွေ ဖြစ်ပါတယ်။

7. Vitamin D - ကတော့ ကလေးတွေ အရိုးအဆစ် နှင့် ကြွက်သားတွေ ကျန်းမာစေဖို့အတွက် လိုအပ်တဲ့ အာဟာရဓါတ် တမျိုးပါ။ ဗီတာမင် ဒီ ကို နေရောင်ခြည်က ရရှိနိုင်ပါတယ်။ ခုနောက်ပိုင်း အစားအစာ တွေ မှာလည်း ဗီတာမင် ဒီ ထပ်ထည့် လာတာတွေလည်း တွေ့ရပါတယ်။ 

8. Vitamin A - ကြွယ်ဝတဲ့ အစားအစာများ ကန်စွန်းဥ အဝါ၊ မုန်လာဥနီ၊ ရွှေဖရုံသီး။

အာဟာရပြည့်အောင်ကျွေးတယ် ဆိုပေမယ့် အိမ်သုံးဆား (Table Salt) ထပ်ထည့်ထားတဲ့ အစားအစာများ ကို အသက် တစ်နှစ်အောက် ကလေး ငယ်များမှာ မကျွေးသင့်ပါ။ 

လေးစားစွာဖြင့်

ဒေါက်တာ ညီညီကျော်